تقترب الذكرى
كل ذكرى والشعب الفلسطيني بخير وقد تحرر الحجر والانسان.
تحية الثورة
مساء الخير يا سيد الثوار يا من علم الكبار والصغار هم
يقولون لك باقون على العهد
لا تصدق سيدي هم نقضوا العهد باعونا
العلم الواحد اصبح اعلام
الوطن الواحد اصبح اوطان
سيدي بتعرف انو اسرانا صاروا اكثر من 6 الف اسير وضعهم
صعب وما حدى فكر فيهم.
سيدي بتعرف انو مبعدي كنسية المهد ما حدى سائل عنهم بعدك.
سيدي سامحني لأني ازعجك بحديثي عن حالنا ولكن لم تعلمنا
ان نسكت عليهم
سيدي حولوا القضية من الحرية والتحرير الى رح الراتب
ونزل الراتب.
يا سيدي بتعرف على العيد في 300 الف مواطن بغزة ما الهم
بيوت.
سيدي كل البلد فاسده صارت
بتعرف انو اولادك والي ربيتهم في منهم ما معو يطعم اطفاله.
سيدي بتعرف شغلة العلم صار اعلام طيب احكي لك شغلة قتلنا
بعض بعدك بتعرف عندنا غزة وضفة صرنا شعبين
سيدي اللاجئين في اليرموك ماتوا جوعاً، سيدي اللاجئين
في سوريا ولبنان والعراق وغيرها من الدول يتم مطاردتهم وقتلهم في كل مكان
سيدي الحياة صارت غالية، والناس غلابه.
سيدي يوم العطلة في غزة شكل والضفة شكل.
سيدي فتح بطلت اتخوف، صرنا ملطشة.
سيدي الضفة يأكلها الاستيطان وتقسم والاقصى يهودا ولا
احد يتحرك.
سيدي فتح صارت شركة وابنائها مقسمين هنا وهناك ومع فلان
وعلتان .
سيدي غزة تم تدميرها وتم تدمير المطار والمينا كمان.
ما بدي احكي اكتر من هيك
نام قرير العين نحلم ونحلم ويتجدد حلمنا 11\11 عاشت الذكرى عاشت الثورة.
لقد نجوتَ بقدرةٍ
من عارنا، وعلَوتَ للعلياءِ
إصعـدْ، فموطنك السّماءُ، وخلِّنا
في الأرضِ، إن الأرضَ للجبناءِ
ابنك محمد جهاد حمدان
ليست هناك تعليقات:
إرسال تعليق