خلينا انشوفك

أكلت كف اشي من جندي عشان انتا فلسطيني بالانتفاضة؟ 

اعتقلوك اشي؟ 

ربطوك عا جنب الشارع وقعدو يضحكو، ويتراهنو اذا رح تتبول ببنطلونك كل ما طخوا رصاصة جنبك؟
هربت منهم بنص الليل وخبتك منهم فلاحة فلسطينية بين بناتها مع انها ما بتعرفك؟

حسيت بشوية فخر لما كان الجندي يركض قدامك هارب وناسي انو حامل سلاح مع انك كل اللي معك حجر؟ انسحبت سيارات الجيش من البلد لما نزل عليها مطر حجارة منك ومن عشرين شب واقفين جنبك يفدوك بروحهم مع انو مش عارفين انتا من وين؟

 وقفت يوم تحرس الفلاحين تيلقطوا الزيتون قبل ما يفلت المستوطنين عليهم؟
االجيش حاصر بيتك و كسر الباب في نص الليل واعتقلوك من بين اهلك ؟؟
انسجنت واتبهدلت وانضربت واتحقق معك ؟؟
انحرمت شوفة اهلك وناسك ؟
مرفوض امني ممنوع من السفر؟
طيب أي اشي؟ اي اشي؟
شو في بينك وبين الانتفاضة؟ وشو اللي عملتو لفلسطين في سنينك
طيب مادام انت مش عامل اشي من هدول ليش بتزود على الناس وبتتفلسف قوم اتحرك اعمل اشي

خلينا انشوفك